Æfingaleikur: Breiðablik gerði jafntefli við lið úr spænsku deildinni

Birta Georgsdóttir og Agla María Albertsdóttir gerðu mörkin er Breiðablik og Alhama skildu jöfn í æfingaleik á Spáni.

Breiðablik er í æfingaferð og mætti spænska félaginu Alhama CF, sem er í harðri fallbaráttu í efstu deild á Spáni.

Blikakonur tóku forystuna í sitthvorum hálfleiknum en það dugði ekki til vegna þess að heimakonum tókst að jafna í bæði skiptin.

Lokatölur urðu því 2-2 en Breiðablik er á undirbúningstímabilinu á meðan Alhama er á miðri leiktíð.