Glódís Perla Viggósdóttir.
„Ég er drullusvekkt. Mér fannst frammistaðan og framlag liðsins algjörlega til fyrirmyndar. Mér fannst við eiga skilið að vinna þennan leik. Maður segir þetta oft eftir leiki og það er oft algjört rugl, en í dag fannst mér við virkilega eiga sigur skilið," sagði Glódís Perla Viggósdóttir, fyrirliði Íslands, eftir 1-1 jafntefli gegn Noreg í Þjóðadeildinni.
Stelpurnar okkar tóku forystuna í fyrri hálfleik og voru með hana lengst af, en Noregur jafnaði í lokin. Markið sem þær skoruðu var sjálfsmark Glódísar. Hún gat lítið gert í því.
Stelpurnar okkar tóku forystuna í fyrri hálfleik og voru með hana lengst af, en Noregur jafnaði í lokin. Markið sem þær skoruðu var sjálfsmark Glódísar. Hún gat lítið gert í því.
Lestu um leikinn: Noregur 1 - 1 Ísland
„Auðvitað er þetta drullusvekkjandi og það er leiðinlegt að það sé á mínum herðum að þetta fór svona."
Finnst þér þetta þá vera á þinni ábyrgð?
„Þetta er ástæðan fyrir því að við förum heim með eitt stig en ekki þrjú. En að sama skapi, ef ég tek ekki boltann þá skorar hún fyrir aftan mig. Ég veit ekki hvað ég hefði getað gert öðruvísi. Auðvitað er þetta ömurlegt. Ég mun horfa á þetta aftur og hugsa hvað ég hefði getað gert. Ég vissi af henni fyrir aftan mig og vissi að ég þyrfti að taka boltann en það hefði verið betra að setja hann ekki þarna," sagði Glódís.
„Það er ekki gaman að leikurinn endi svona út af þessu mómenti. Það er kannski betra að þetta sé á mínum herðum en einhvers annars því frammistaðan var algjörlega til fyrirmyndar og margt sem við getum tekið með úr þessum leik. Ég er gríðarlega stolt af liðinu og gaman að sjá hvað við vorum hugrakkar."
Allt viðtalið má sjá í spilaranum hér fyrir ofan.
Athugasemdir
