Síðustu leikjum dagsins er að ljúka í forkeppni fyrir Meistaradeild kvenna. Áhugaverð úrslit hafa litið dagsins ljós í leikjum kvöldsins.
Sædís Rún Heiðarsdóttir kom inn af bekknum í flottum sigri hjá Vålerenga gegn Slavia Prag. Vålerenga vann leikinn með fjögurra marka mun til að tryggja sér sæti í riðlakeppni Meistaradeildarinnar.
Ísabella Sara Tryggvadóttir kom einnig inn af bekknum þegar Rosengård mætti til leiks gegn OH Leuven frá Belgíu. Rosengård lenti þremur mörkum undir í fyrri hálfleik en náði að minnka muninn aftur niður í eitt mark áður en Ísabellu var skipt inn á 74. mínútu.
Henni tókst þó ekki að hafa áhrif á úrslit leiksins, þar sem lokatölur urðu 3-2 fyrir OH Leuven. Ísabella og stöllur eru því úr leik.
Manchester United tryggði sig í riðlakeppnina með naumum sigri gegn Hammarby, þar sem hin norska Elisabeth Terland skoraði eina mark leiksins eftir undirbúning frá Melvine Malard.
GKS Katowice er einnig komið í riðlakeppnina ásamt Ferencvaros. Fortuna Hjörring er þessa stundina að spila lokaleik kvöldsins gegn Young Boys frá Sviss og leiðir danska liðið 1-0 þegar stundarfjórðungur er eftir af venjulegum leiktíma.
30.08.2025 17:29
Meistaradeild kvenna: Guðrún réði úrslitum með sjálfsmarki
Athugasemdir
