Patrick Pedersen gerði tvö fyrir Val, en landi hans Thomas Mikkelsen gerði tvö mörk fyrir Breiðablik.
Breiðablik 3 - 3 Valur
0-1 Orri Sigurður Ómarsson ('10)
1-1 Thomas Mikkelsen ('15)
2-1 Thomas Mikkelsen ('25, víti)
2-2 Patrick Pedersen ('35, víti)
2-3 Patrick Pedersen ('65)
3-3 Kwame Quee ('90)
0-1 Orri Sigurður Ómarsson ('10)
1-1 Thomas Mikkelsen ('15)
2-1 Thomas Mikkelsen ('25, víti)
2-2 Patrick Pedersen ('35, víti)
2-3 Patrick Pedersen ('65)
3-3 Kwame Quee ('90)
Breiðablik og Valur skildu jöfn í fjörugum markaleik á Kópavogsvelli í kvöld. Allur ágóði af miðasölu á leikinn rann til Píeta samtakanna.
Leikurinn var mjög fjörugur og fengu bæði lið fullt af færum til að skora. Orri Sigurður Ómarsson kom Val yfir á tíundu mínútu en stuttu síðar jafnaði Daninn Thomas Mikkelsen fyrir Blika. Mikkelsen var aftur á ferðinni tíu mínútum síðar.
Í liði Vals er líka mjög öflugur danskur sóknarmaður. Patrick Pedersen jafnaði úr vítaspyrnu á 35. mínútu og var staðan jöfn í hálfleik. Hann kom Val svo yfir eftir 20 mínútur í síðari hálfleiknum.
Valsmenn virtust vera að landa sigrinum, en í uppbótartíma jafnaði varamaðurinn Kwame Quee og tók hann nokkur góð dansspor í kjölfarið.
Lokatölur 3-3 í þessum fjöruga leik á Kópavogsvelli. Pepsi Max-deildin hefst svo um miðjan næsta mánuð, en búast má við því að bæði þessi lið verði í toppbaráttu þar.
Veistu úrslit úr æfingaleikjum?
Ef þú hefur upplýsingar um úrslit æfingaleikja og markaskorara endilega sendu okkur þá tölvupóst á [email protected] eða settu úrslitin á Twitter og merktu #fotboltinet
Athugasemdir