Lyftir Lautaro bikarnum með stóru eyrun?
Alli Jói og Aron Baldvin eru sérfræðingarnir í ár.
Kvaratskhelia getur unnið fernuna á morgun; ítalska meistaratitilinn, franska meistaratitilinn, franska bikarinn og Meistaradeildina.
Klukkan 19:00 á Allianz Arena í München mætast PSG og Inter í úrslitaleik Meistaradeildarinnar. Inter sló út Barcelona eftir rosalegt einvígi í undanúrslitunum og PSG sló út Arsenal.
PSG getur fullkomnað þrennuna með því að sigra í kvöld á meðan Inter getur bjargað tímabilinu eftir að hafa misst af Ítalíumeistaratitlinum.
Meistaraspáin er skemmtileg keppni sem er spiluð með fram útsláttarkeppninni. Sérfræðingar í ár eru Alli Jói, þjálfari Völsungs, og Aron Baldvin Þórðarson, aðstoðarþjálfari Víkings. Aðili frá Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Fótbolti.net er með forystuna fyrir lokaleik tímabilins og sérfræðingarnir þurfa að taka sénsa til að vinna keppnina.
PSG getur fullkomnað þrennuna með því að sigra í kvöld á meðan Inter getur bjargað tímabilinu eftir að hafa misst af Ítalíumeistaratitlinum.
Meistaraspáin er skemmtileg keppni sem er spiluð með fram útsláttarkeppninni. Sérfræðingar í ár eru Alli Jói, þjálfari Völsungs, og Aron Baldvin Þórðarson, aðstoðarþjálfari Víkings. Aðili frá Fótbolta.net spáir einnig í leikina. Spáð er um úrslit allra leikja í útsláttarkeppni Meistaradeildarinnar. Fyrir hárréttar lokatölur fást þrjú stig en eitt stig ef rétt tákn er á leiknum.
Fótbolti.net er með forystuna fyrir lokaleik tímabilins og sérfræðingarnir þurfa að taka sénsa til að vinna keppnina.
Aðalsteinn Jóhann Friðriksson
PSG 1 - 2 Inter
Það er eitthvað við Interævintýrið sem segir manni að þeir geti ekki tapað. Einhvern veginn hafa þeir fundið leiðir til að skora mörk þegar þeir þurfa þess og þannig unnið einvígi. Voru nálægt þessu fyrir tveimur árum, nú taka þeir þetta yfir línuna.
Aron Baldvin Þórðarson
PSG 2 - 1 Inter
Hausinn segir Inter en hjartað PSG. Höldum með skemmtilegri fótbolta og Parísarmenn ná loksins markmiðinu sinu. Kvaradona setur winnerinn rétt áður en hann lendir í hrömmunum á Gunnari Vatnhammar í landsleikjahléinu.
Fótbolti.net - Aksentije Milisic
PSG 1 - 1 Inter (Inter vinnur eftir vító)
Leikur ársins þar sem tvö frábær lið með ólíka eiginleika mætast.
Þegar það kemur að taktík er enginn betri en Ítalinn. Inter kemst yfir með marki eftir fast leikatriði og reyna Inzaghi og hans menn að hanga á því marki eins lengi og þeir geta.
Með Sommer í búrinu og Acerbi í hjartanu mun það duga lengi en allt kemur fyrir ekki og nær PSG að tryggja sér framlenginguna með mikinn meðbyr.
Þegar flestir halda að PSG klári þetta í framlengingunni þá verjast Inter menn eins og ljón, ellefu menn bakvið boltann.
Leikurinn endar í vítaspyrnukeppni og þar verða öll augu á Donnarumma en því miður fyrir Parísarbúa þá ver hann ekki tuðru að þessu sinni. Inter verður Evrópumeistari og hinn huggulegi Lautaro Martínez lyftir þeim stóra!
Staðan í heildarkeppninni:
Alli Jói - 19
Aron Baldvin - 18
Fótbolti.net - 21
Athugasemdir
