Magnús Már Einarsson skrifar frá Albaníu
Gylfi Þór Sigurðsson.
,,Þetta verður hörkuleikur. Eftir tap á móti Kýpur í síðasta leik er mikilvægt að koma sterkir til baka og ná einhverjum stigum á móti Albaníu," segir Gylfi Þór Sigurðsson um leikinn gegn Albaníu í undankeppni HM klukkan 17:00 í dag.
,,Þeir eru með nokkra leikmenn sem eru að spila í sterkum deildum og það eru nokkrir hættulegir leikmenn sem við þurfum að passa."
,,Það skiptir mestu máli að við spilum okkar leik, ef við gerum það og erum þéttir varnarlega þá ætti þetta að ganga eins og á móti Noregi."
Gylfi hefur verið á varamannabekknum í undanförnum leikjum hjá Tottenham en hann er í fínu formi samt sem áður.
,,Ég er í mjög góðu standi. Í síðustu þremur leijkum hef ég spilað aðeins minna en í byrjun en þetta er gríðarlega stór hópur og það er mikið af breytingum og mikil samkeppni."
Hér að ofan má sjá viðtalið í heild sinni.
