Gunnar Már Guðmundsson, leikmaður ÍBV, mun ef ekkert óvænt kemur upp á ganga til liðs við sitt gamla félag Fjölni á næstunni.
Ágúst Þór Gylfason, þjálfari Fjölnis, segir að samningaviðræður séu langt á veg komnar.
,,Það væri frábært að fá hann heim," sagði Ágúst við Fótbolta.net í dag.
,,Maður segir ekki nei þegar Herra Fjölnir vill koma. Hann er góður fótboltamaður og góður karakter," bætti Ágúst við.
Gunnar Már er uppalinn Fjölnismaður en hann fór með liðinu á sínum tíma úr neðstu deild upp í þá efstu.
Eftir fall Fjölnis úr efstu deild árið 2009 fór Gunnar Már síðan til FH þar sem hann spilaði 2010. Sumarið 2011 lék Gunnar Már með Þórsurum á láni áður en hann gekk í raðir ÍBV.
Athugasemdir
