Blakið nýttist honum í skallatækninni
Atli Eðvaldsson, fótboltaþjálfari og fyrrum landsliðsmaður, verður í ítarlegu viðtali í þættinum Íþróttafólkið okkar í kvöld klukkan 20:30 á RÚV.
RÚV hefur birt brot úr viðtalinu en þar segir hann sögu frá 1980 þegar hann var 23 ára gamall og fór út til æfinga hjá þýska stórliðinu Borussia Dortmund.
Á þeim tíma voru fótboltamenn á Íslandi ekki við æfingar yfir veturinn og Atli því í engu fótboltaformi. Hann hafði hinsvegar verið í blaki og var Íslandsmeistari í íþróttinni.
Udo Lattek var þjálfari Dortmund á þessum tíma og á æfingunni fékk Atli fyrirgjafir til að skalla.
„Þar kom ég sjálfum mér á óvart. Ég var búinn að vera tvö ár í blaki og var ekkert að fatta að þessi hreyfing að fara upp í boltann er bara blaktækni. Ég hamraði þetta allt saman á markið, skoraði tíu eða átta mörk. Svo fékk hann mann á móti mér og þá notaði ég þessa tækni að nota olnbogana til að búa til plássið og hann vann ekki bolta. Ég tók alla boltana og hann skallaði bara í olnbogana á mér í hvert einasta skipti," segir Atli.
Lattek var skiljanlega ánægður með frammistöðu Atla en átti bágt með að trúa að hann hefði ekki spilað fótbolta í átta mánuði.
„Hann spurði hvort ég væri ekki búinn að spila fótbolta síðan í september?
- Nei, sagði ég.
- Hvernig ertu þá þegar þú ert kominn í form?“
Atli samdi við Dortmund og lék með þeim veturinn 1980-1981. Hann spilaði 30 leiki og skoraði 11 mörk.
RÚV hefur birt brot úr viðtalinu en þar segir hann sögu frá 1980 þegar hann var 23 ára gamall og fór út til æfinga hjá þýska stórliðinu Borussia Dortmund.
Á þeim tíma voru fótboltamenn á Íslandi ekki við æfingar yfir veturinn og Atli því í engu fótboltaformi. Hann hafði hinsvegar verið í blaki og var Íslandsmeistari í íþróttinni.
Udo Lattek var þjálfari Dortmund á þessum tíma og á æfingunni fékk Atli fyrirgjafir til að skalla.
„Þar kom ég sjálfum mér á óvart. Ég var búinn að vera tvö ár í blaki og var ekkert að fatta að þessi hreyfing að fara upp í boltann er bara blaktækni. Ég hamraði þetta allt saman á markið, skoraði tíu eða átta mörk. Svo fékk hann mann á móti mér og þá notaði ég þessa tækni að nota olnbogana til að búa til plássið og hann vann ekki bolta. Ég tók alla boltana og hann skallaði bara í olnbogana á mér í hvert einasta skipti," segir Atli.
Lattek var skiljanlega ánægður með frammistöðu Atla en átti bágt með að trúa að hann hefði ekki spilað fótbolta í átta mánuði.
„Hann spurði hvort ég væri ekki búinn að spila fótbolta síðan í september?
- Nei, sagði ég.
- Hvernig ertu þá þegar þú ert kominn í form?“
Atli samdi við Dortmund og lék með þeim veturinn 1980-1981. Hann spilaði 30 leiki og skoraði 11 mörk.
Athugasemdir