Sex mörk voru skoruð í leiknum en það fyrsta kom ekki fyrr en á 45. mínútu þegar Arnar Helgi Magnússon kom Njarðvík yfir.

Bergþór Ingi Smárason tvöfaldaði forystu Njarðvíkur strax í upphafi síðari hálfleiks. Þá var komið að Þrótturum að snúa leiknum sér í hag en Jasper Van Der Heyden minnkaði muninn á 66. mínútu og staðan orðin 1-2.

Gústav Kári Óskarsson jafnaði á 81. mínútu en rétt á undan hafði Njarðvík misnotað vítaspyrnu. Það kom ekki að sök því að Jasper skoraði sitt annað mark í leiknum á 86. mínútu og Þróttarar komnir yfir eftir að hafa lent tveimur mörkum undir.

Stefán Birgir Jóhannesson jafnaði fyrir Njarðvík á þriðju mínútu uppbótartíma en það var síðasta mark leiksins og magnað 3-3 jafntefli staðreynd í afar sveiflukenndum leik.

Njarðvík skýst upp í toppsæti riðilsins með fjögur stig en Þróttur með tvö stig eftir tvo leiki.