---

Crystal Palace 2 - 1 Brighton (12:30 á morgun)
Zaha og félagar geta unnið öll lið og þeir vinna Brigton þar sem Zaha og Van Anholt skora fyrir heimamenn en Glenn Murray klórar í bakkann fyrir gestina.

Cardiff City 1 - 1 West Ham (15:00 á morgun)
Vona að Aron Einar og félagar vinni Hamrana en því miður fyrir þá verður jafntefli niðurstaðan.

Huddersfield 0 - 2 Bournemouth (15:00 á morgun)
Sennilega gæti mér ekki verið meira sama um neitt í lífinu en þennan leik. Bournemouth er með betra lið en Huddersfield og vinnur þægilegan sigur.

Leicester City 3 - 1 Fulham (15:00 á morgun)
Brendan Rodgers byrjaði á tapi en rífur sig og sína menn upp af rassgatinu og klára Fulham þrátt fyrir að Fulham hafi sýnt batamerki gegn Chelsea í síðustu umferð.

Jamie Vardy setur 2 og Maddison 1.

Newcastle 1 - 2 Everton (15:00 á morgun)
Frammistaðan verður flott hjá Norðanmönnum en Gylfi Sig er að hita sig upp fyrir landsleikjahléið og skorar eitt og leggur upp annað.

Southampton 1 - 3 Tottenham (15:00 á morgun)
Dýrlingarnir spiluðu vel á Old Trafford og áttu skilið stig þar en það eru víst mörkin sem telja og Tottenham rífur sig í gang eftir 1 stig úr síðustu 2 leikjum og vinnur í markaleik.

Hurricane skorar 2 og Eriksen 1 fyrir Tottenham.

Manchester City 3 - 0 Watford (17:30 á morgun)
City hefur gengið illa að ganga frá leikjum uppá síðkastið en vinna þægilegan sigur á Watford. Þeir eru komnir á toppinn og eru ekkert að fara þaðan því miður. Kun með tvær kúlur og Sterling 1.

Liverpool 2 - 1 Burnley (12:00 á sunnudag)
Klopp gæti mögulega verið með hugann við Bayern leikinn á miðvikudaginn og gerir eflaust einhverjar breytingar eftir markaþurrð í síðustu tveimur leikjum. Þeir vinna þó á endanum og markið hans Jóa Berg dugar skammt.

Chelsea 2 - 1 Wolves (14:05 á sunnudag)
Hörkuleikur þar sem Úlfarnir komast yfir úr aukaspyrnu frá Neves en Bláliðar koma til baka og vinna. Bollan hann Gonzalo setur eitt og Willian skorar sigurmarkið á síðustu 10 mínútum leiksins.

Arsenal 1 - 2 Manchester United (16:30 á sunnudag)
Stórleikur umferðarinnar og ansi mikilvægur í baráttunni um Meistaradeildarsæti á næstu leiktíð.

Bæði lið að koma úr Evrópuverkefnum í Frakklandi og ég hugsa og vona svo innilega að nafni minn Gunnar halda áfram 100% árangri á útivelli og United vinnur með mörkum frá Lukaku og og Pogba. Mkhitaryan skorar gegn sínum gömlu félögum (já ég googlaði hvernig þetta er stafað).

Fyrri spámenn:
Auðunn Blöndal (8 réttir)
Steindi Jr. (8 réttir)
Sara Björk Gunnarsdóttir (7 réttir)
Baldur Sigurðsson (7 réttir)
Benedikt Bóas (6 réttir)
Gaupi (6 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Martin Hermannsson (5 réttir)
Guðjón Baldvinsson (5 réttir)
Jóhann Gunnar Einarsson (5 réttir)
Jón Dagur Þorsteinsson (5 réttir)
Hjörvar Hafliðason (5 réttir)
Katrín Jakobsdóttir (5 réttir)
Logi Ólafsson (5 réttir)
Logi Bergmann Eiðsson (5 réttir)
Arnór Sigurðsson (4 réttir)
Arnór Þór Gunnarsson (4 réttir)
Friðrik Dór Jónsson (4 réttir)
Jón Þór Hauksson (4 réttir)
Sam Hewson (4 réttir)
Siggi Hall (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Kristjana Arnarsdóttir (2 réttir)
Teitur Örlygsson (2 réttir)