Fótbolti.net

þri 04. desember 2018 13:00

Magnús Már Einarsson

Siggi Hall spáir í leiki vikunnar í ensku úrvalsdeildinni

Siggi Hall (annar frá vinstri) í góðum félagsskap í Ísskápastríði. Þriðja serían er í gangi á Stöð 2 þessa dagana.

Mynd: Instagram

Teitur Örlygsson var með tvo rétta þegar hann spáði í leikina í ensku úrvalsdeildinni um síðustu helgi.

Heil umferð fer fram í úrvalsdeildinni í dag og á morgun og meistarakokkurinn Siggi Hall matreiddi spá fyrir þá leiki. Siggi er dómari í „Ísskápastríði" á Stöð 2 en þriðja serían er í gangi þar þessa dagana.

„Þetta er allt gert með fyrirvara. Þetta er gamaldags hugsun gagnvart liðunum því ég veit ekkert hvernig þau eru í dag," sagði Siggi léttur áður en hann spáði í spilin.

West Ham 0 - 2 Cardiff (19:45 í kvöld)
Aron Einar skorar annað markið.

Bournemouth 1 - 1 Huddersfield (19:45 í kvöld)
Þetta verður bragðdauft.

Brighton 2 - 2 Crystal Palace (19:45 í kvöld)
Þetta verður hörkuleikur þó að enginn hafi áhuga á að horfa á þetta.

Watford 0 - 4 Manchester City (20:00 kvöld)
Manchester City vinnur þetta 4-0. Mér sýnist að þeir verði meistarar þó að Liverpool geti orðið það líka.

Burnley 1 - 2 Liverpool (19:45 á morgun)
Ég held með Jóhanni Berg og vona því að þeir tapi ekki. Ég held hins vegar að Liverpool vinni þetta.

Everton 3 - 0 Newcastle (19:45 á morgun)
Everton bakar þennan leik. Gylfi verður besti maðurinn á vellinum.

Fulham 0 - 0 Leicester (19:45 á morgun)
Mér finnst þessi lið svo leiðinleg að mér verður óglatt við að hugsa um það. Þetta verður hundleiðinlegur leikur sem enginn nennir að horfa á.

Wolves 1 - 3 Chelsea (19:45 á morgun)
Chelsea er með seigt lið. Það eru margir mjög góðir leikmenn þar.

Manchester United 3 - 1 Arsenal (20:00 á morgun)
Það verða allir rosalega hissa á því að United vinnur þennan leik. Mourinho verður ekki rekinn í þetta skipti en síðan verður hann rekinn síðar.

Totteham 2 - 1 Southampton (20:00 á morgun)
Tottenham er með betra lið.

Fyrri spámenn:
Auðunn Blöndal (8 réttir)
Baldur Sigurðsson (7 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Jón Dagur Þorsteinsson (5 réttir)
Logi Ólafsson (5 réttir)
Logi Bergmann Eiðsson (5 réttir)
Jón Þór Hauksson (4 réttir)
Sam Hewson (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Teitur Örlygsson (2 réttir)

		L	U	J	T	ms:	mf:	mun	Stig
1	Arsenal	38	26	7	5	71	27	+44	85
2	Man City	38	23	9	6	77	35	+42	78
3	Man Utd	38	20	11	7	69	50	+19	71
4	Aston Villa	38	19	8	11	56	49	+7	65
5	Liverpool	38	17	9	12	63	53	+10	60
6	Bournemouth	38	13	18	7	58	54	+4	57
7	Sunderland	38	14	12	12	42	48	-6	54
8	Brighton	38	14	11	13	52	46	+6	53
9	Brentford	38	14	11	13	55	52	+3	53
10	Chelsea	38	14	10	14	58	52	+6	52
11	Fulham	38	15	7	16	47	51	-4	52
12	Newcastle	38	14	7	17	53	55	-2	49
13	Everton	38	13	10	15	47	50	-3	49
14	Leeds	38	11	14	13	49	56	-7	47
15	Crystal Palace	38	11	12	15	41	51	-10	45
16	Nott. Forest	38	11	11	16	48	51	-3	44
17	Tottenham	38	10	11	17	48	57	-9	41
18	West Ham	38	10	9	19	46	65	-19	39
19	Burnley	38	4	10	24	38	75	-37	22
20	Wolves	38	3	11	24	27	68	-41	20