Fótbolti.net

fös 21. desember 2018 15:00

Guðmundur Aðalsteinn Ásgeirsson

Kristjana spáir í leiki helgarinnar á Englandi

Kristjana tekur hér viðtal við Heimi Hallgrímsson.

Mynd: Fótbolti.net - Hafliði Breiðfjörð

Lovren sagði á dögunum að Liverpool gæti farið taplaust í gegnum tímabilið.

Mynd: Getty Images

Ole Gunnar Solskjær stýrir Manchester United í fyrsta sinn á morgun.

Mynd: Getty Images

Skemmtikrafturinn Steindi Jr. var með átta rétta þegar hann spáði í leiki helgarinnar í ensku úrvalsdeildinni um síðustu helgi. Steindi er með flesta rétta í vetur ásamt vini sínum og Auðuni Blöndal.

Kristjana Arnarsdóttir, íþróttafréttakona á RÚV og spyrill í Gettu Betur, tók það að sér að spá í leiki helgarinnar.

Wolves 1 - 0 Liverpool (20:00 í kvöld)
Dejan Lovren er búinn að jinxa þetta. Úlfarnir eru búnir að vera á vælandi siglingu og þeir vinna stórkostlegan sigur og jólin eru ónýt hjá Poolurum.

Arsenal 1 - 1 Burnley (12:30 á morgun)
Jói Berg kemur Burnley yfir með geggjuðu marki en Aubameyang jafnar í seinni hálfleik.

Bournemouth 2 - 0 Brighton (15:00 á morgun)
Ég er búin að vera ánægð með Bournemouth í vetur. Joshua King og Callum Wilson klára þetta.

Chelsea 3 - 0 Leicester (15:00 á morgun)
Eden Hazard er svo mikill jólakall að hann verður í banastuði gegn Leicester. Skorar tvö og leggur upp eitt fyrir Olivier Giroud sem kemur af bekknum og innsiglar sigurinn.

Huddersfield 0 - 0 Southampton (15:00 á morgun)
Zzzzzz….

Manchester City 4 - 0 Crystal Palace (15:00 á morgun)
Þetta verður óskaplega þægilegt fyrir Pep og hans menn.

Newcastle 2 - 1 Fulham (15:00 á morgun)
Fulham kemst mjög óvænt yfir í leiknum, þeir vita svo ekkert hvernig þeir eiga að haga sér svona 1-0 yfir og missa þetta svo að sjálfsögðu niður. Newcastle klárar þennan 2-1.

West Ham 2 - 2 Watford (15:00 á morgun)
Hérna höfum við tvö lið sem eru svo samstíga í þessari deild að það verður að veðja á jafntefli í þessum leik. Þetta verður samt fjörugur leikur, spjöld og allskonar bras á mönnum.

Cardiff 0 - 3 Manchester United (17:30 á morgun)
Það er auðvitað bara skrifað í skýin að Ole Gunnar Solskjær nælir í þrjú stig á sínum gamla heimavelli og gerir það með stæl. Hann er búinn að tala um ’99 við strákana í klefanum og þeir mæta með blússandi sjálfstraust í næsta leik.

Everton 2 - 1 Tottenham (16:00 á sunnudag)
Everton skrúfar niður hrokann hjá Tottenham-mönnum eftir sigurinn gegn Arsenal í deildabikarnum. Gylfi leggur upp annað markið í leiknum en hann nær ekki að skora úr dauðafærinu sem hann fær í seinni hálfleik.

Fyrri spámenn:
Auðunn Blöndal (8 réttir)
Steindi Jr. (8 réttir)
Baldur Sigurðsson (7 réttir)
Gaupi (6 réttir)
Kjartan Atli Kjartansson (6 réttir)
Rikki G (6 réttir)
Rúnar Alex Rúnarsson (6 réttir)
Sóli Hólm (6 réttir)
Jón Dagur Þorsteinsson (5 réttir)
Logi Ólafsson (5 réttir)
Logi Bergmann Eiðsson (5 réttir)
Jón Þór Hauksson (4 réttir)
Sam Hewson (4 réttir)
Siggi Hall (4 réttir)
Berglind Björg Þorvaldsdóttir (3 réttir)
Atli Fannar Bjarkason (2 réttir)
Teitur Örlygsson (2 réttir)

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Man City	33	23	7	3	80	32	+48	76
3	Liverpool	34	22	8	4	75	34	+41	74
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	33	11	11	11	52	54	-2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16