Það gæti orðið breytt fyrirkomulag í Inkasso-deild karla á næsta tímabili ef þær hugmyndir sem nú eru í skoðun hjá KSÍ verða að veruleika.
Rætt var við Guðna Bergson formann KSÍ í íþróttafréttum Stöðvar 2 í kvöld þar sem hann ræddi um mögulegt umspil á næsta ári í Inkasso-deildinni að enskri fyrirmynd.
Í Inkasso-deildinni fara efstu tvö liðin upp eins og fyrirkomulagið er núna en ef þessi hugmynd um umspil yrði að veruleika færi efsta liðið beint upp en 2.-5. sæti færi í umspil um síðasta lausa sætið.
Einnig er það í skoðun hjá KSÍ að vera með bikarkeppni fyrir neðri deildirnar.
Smelltu hér til að sjá viðtalið við Guðna á visir.is
Athugasemdir