Ísland tapaði gegn Frakklandi, 1-0, í undankeppni EM 2020 í kvöld og eru núna aðeins þrír leikir eftir. Hvernig eru möguleikarnir fyrir leikina sem við eigum eftir?
Fyrir þessa þrjá leiki er Ísland sex stigum á eftir Tyrklandi og Frakklandi.
Fyrir þessa þrjá leiki er Ísland sex stigum á eftir Tyrklandi og Frakklandi.
Staðan í riðlinum
1. Tyrkland 18 stig
2. Frakkland 18 stig
3. Ísland 12 stig
4. Albanía 9 stig
5. Andorra 3 stig
6. Moldóva 3 stig
Tvö efstu liðin fara beint á EM 2020.
Endi tvö lið jöfn gilda innbyrðis viðureignir og markatala í innbyrðis leikjum. Þar er Ísland með yfirhöndina gegn Tyrkjum eftir 2-1 sigur á Laugardalsvelli í júni.
Með hagstæðum úrslitum gegn Tyrkjum í næsta mánuði gæti Ísland því tryggt sig áfram, þ.e.a.s. ef við vinnum hina tvo leiki okkar líka - gegn Andorra á mánudaginn og Moldóvu, í leik sem fer líka fram í nóvember.
Við verðum að treysta á það að Frakkland vinni Tyrkland á mánudaginn kemur. Sá leikur er í Frakklandi. Ef Frakkland vinnur Tyrkland, þá nægir það Íslandi að vinna síðustu þrjá leiki sína, gegn Andorra, Tyrklandi og Moldóvu.
Umspilið
Ef Ísland nær ekki tveimur efstu sætunum á liðið ennþá möguleika á sæti á EM en liðið fer þá í umspil tengt Þjóðadeildinni. Það umspil verður í mars á næsta ári.
Eins og staðan er akkúrat núna þá er Ísland á leið í fjögurra liða umspil með Sviss, Bosníu og Wales.
Athugasemdir