Stjórn KSÍ ákvað að Eyjólfur Sverrisson þjálfari U21 árs landsliðsins fengi að velja þá leikmenn sem hann vildi í umspilsleikina gegn Skotum og tók þar með framfyrir hendur Ólafs Jóhannessonar þjálfara A-landsliðsins.
Þetta staðfesti Geir Þorsteinsson formaður KSÍ á fréttamannafundi landsliðsins í dag. Hann sagði að Ólafur hafi ekki verið sáttur við þessa ákvörðun en einhugur hafi verið um hana í stjórn KSÍ.
Þetta staðfesti Geir Þorsteinsson formaður KSÍ á fréttamannafundi landsliðsins í dag. Hann sagði að Ólafur hafi ekki verið sáttur við þessa ákvörðun en einhugur hafi verið um hana í stjórn KSÍ.
Aron Einar Gunnarsson, Gylfi Þór Sigurðsson, Eggert Gunnþór Jónsson, Rúrik Gíslason og Jóhann Berg Guðmundsson eru allir í hópnum hjá U21 árs liðinu en þeir höfðu verið í byrjunarliði A-landsliðsins í síðasta leik gegn Dönum. Þá eru Kolbeinn Sigþórsson og Birkir Bjarnason sem voru á bekknum gegn Dönum báðir í U21 árs hópnum.
Þar með er ljóst að þessir sjö leikmenn verða ekki með í leik A-landsliðsins gegn Portúgal 12. október næstkomandi vegna þessarar ákvörðunnar stjórnar KSÍ.
Nánar verður rætt við Geir og Eyjólf Sverrisson þjálfara U21 árs landsliðsins hér á Fótbolta.net síðar í dag þar sem þessi ákvörðun verður skýrð nánar.