Selfyssingar voru búnar að tryggja sér toppsæti deildarinnar fyrir leikinn og voru snöggar að taka forystuna.

Eva Lind Elíasdóttir skoraði á níundu mínútu og tvöfaldaði Björgey Njála Andreudóttir forystuna tíu mínútum síðar.

Meira var ekki skorað og urðu 0-2 lokatölurnar. Selfoss er búið að vinna 15 sinnum og gera 1 jafntefli hingað til á deildartímabilinu. Liðið tekur á móti Völsungi í lokaumferðinni.

ÍH er með tveggja stiga forystu á Völsung fyrir lokaumferðina og því nægir Hafnfirðingum jafntefli á útivelli gegn Fjölni í lokaumferðinni.

Tapi ÍH gegn Fjölni fær Völsungur tækifæri til að stela öðru sætinu með ólíklegum sigri á Selfossi.

Völsungur vann þá 4-3 gegn Fjölni í virkilega skemmtilegum slag þar sem liðin skiptust á að taka forystuna. Hildur Anna Birgisdóttir var atkvæðamest með tvennu í sigurliði Húsvíkinga sem eru ennþá með í baráttunni um 2. sætið.

Að lokum vann Dalvík/Reynir á útivelli gegn Álftanesi í neðri hluta deildarinnar.

ÍH 0 - 2 Selfoss
0-1 Eva Lind Elíasdóttir ('9 )
0-2 Björgey Njála Andreudóttir ('19 )

Völsungur 4 - 3 Fjölnir
1-0 Eva S. Dolina-Sokolowska ('8 )
1-1 María Eir Magnúsdóttir ('42 )
2-1 Hildur Anna Birgisdóttir ('44 )
2-2 Oliwia Bucko ('51 )
2-3 Kristín Gyða Davíðsdóttir ('59 )
3-3 Hildur Anna Birgisdóttir ('85 )
4-3 Berta María Björnsdóttir ('89 )

Álftanes 0 - 2 Dalvík/Reynir
0-1 Rakel Sjöfn Stefánsdóttir ('18 )
0-2 Aníta Ingvarsdóttir ('53 )