„Við þurfum að stíga upp og aðlagast því í leiknum á morgun. Við vitum allt sem Noregur ætlar að gera og þeir vita líklega allt sem við ætlum að gera."

„Við erum að undirbúa okkur undir HM á meðan Noregur er á leið í sumarfrí. Við þurfum að sýna það. Við erum að spila fyrir framan stuðningsmenn okkar og ef við erum ekki meira mótíveraðir en Noregur þá er eitthvað mikið að í hópnum okkur. Bæði lið eru að reyna að gera sömu hluti en við ættum að vera mótíveraðri og með meiri kraft."

Ætlar að hitta Lars í dag
Heimir ætlar að hitta Lars yfir kaffibolla í dag en þeir störfuðu saman í fjögur ár með íslenska landsliðið.

„Hann er bæði náin og góður vinur. Hann er líka mentor minn sem þjálfari í landsliði. Það er öðruvísi að þjálfa landslið og ég hefði enga reynslu í því áður. Ég átti fjögur frábær ár með honum sem mentor og vinur," sagði Heimir.

VIlja jafna leikform leikmanna
Heimir segir að leikmenn sem þurfi leikform spili meira í vináttuleikjunum gegn Noregi og Gana en aðrir.

„Við ætlum að nota leikinn til að undirbúa okkur fyrir þá leiki sem við erum að fara í, í Rússlandi. Við viljum líka jafna leikform leikmanna. Sumir er að koma beint úr leikjum á Norðurlöndunum og þurfa ekki á leikjum að halda á meðan það er mánuður síðan sumir spiluðu sinn síðasta leik. Við ætlum líka að jafna leikform leikmanna og hafa alla 100% klára í Rússlandi," sagði Heimir.

Lykildagar Íslands í júní:
LEIKUR 2. júní Noregur (Laugardalsvöllur) - Vináttuleikur
LEIKUR 7. júní Gana (Laugardalsvöllur) - Vináttuleikur
9. júní Flogið til Rússlands (Gelendzhik)
LEIKUR 16. júní Argentína (Moskva) - HM
LEIKUR 22. júní Nígería (Volgograd) - HM
LEIKUR 26. júní Króatía (Rostov) - HM