Gunnar var ánægður með sínar stelpur í kvöld.
Gunnar Borgþórsson þjálfari Selfyssinga var að vonum sáttur með 5-0 sigur gegn botnliði Þróttara í kvöld. Sigur Selfyssinga var aldrei í hættu og heimamenn miklu sterkari.
„5 mörk, það var það sem að skóp þetta. Mikið af færum og við náðum að nýta svona 1/3 af því."Sagði Gunnar Borgþórsson aðspurður hvað skóp þennan sigur
En var Gunnar ósáttur að hafa ekki unnið leikinn stærra?
„Nei alls ekki, við fengum mikið af færum, skotum í slá og gegnumbrotum. Við vorum að skapa okkur mikið af færum og vorum að klára sóknirnar okkar þótt að við skoruðum ekki úr öllum sóknunum. Þær fengu færi líka og hefðu getað komið sér inní einhverja smá keppni þarna."
Selfoss spilar gegn Völsungi í Borgunarbikarnum á laugardaginn. Liðið fór í úrslit bikarsins á síðasta tímabili. Ætlar liðið í úrslit aftur?
„Já, það er klárlega markmiðið eins og allra liða í þessari keppni, já við stefnum á það."
