Landsliðskonan Gunnhildur Yrsa Jónsdóttir er sögð á heimleið frá Bandaríkjunum þar sem hún hefur spilað með Utah Royals.
Gunnhildur hefur verið orðuð við Íslandsmeistara Vals en Mist Rúnarsdóttir, fréttaritari Fótbolta.net og sérfræðingur í Pepsi Max-mörkunum á Stöð 2 Sport, segir að uppeldisfélag hennar, Stjarnan, sé einnig möguleiki.
„Það er orðið á götunni að Gunnhildur Yrsa gæti verið að fara heim og henni myndi fylgja kanadískur markvörður," sagði Mist.
Bára Kristbjörg Rúnarsdóttir sagði þá í Pepsi Max-mörkunum að Stjarnan sé þá einnigað sækja unglingalandsliðskonu frá Ítalíu, sóknarmann.
Stjarnan er í áttunda sæti Pepsi Max-deildar kvenna með sjö stig eftir átta leiki.
Athugasemdir