Juventus þarf ekki á Miralem Pjanic að halda að sögn stjóra liðsins, Max Allegri en hann hefur verið orðaður við sitt fyrrum félag í sumar.
Pjanic hefur ekki sýnt sínar bestu hliðar hjá Barcelona og gæti verið á förum frá spænska liðinu í sumar.
Allegri telur sig þó ekki þurfa á Pjanic að halda en hann er afar hrifinn af Aaron Ramsey í nýrri stöðu á vellinum.
að sögn Allegri getur Ramsey spilað fyrir framan vörn Juventus og gæti leyst það hlutverk í vetur.
Ramsey hefur verið í smá vandræðum með að fóta sig síðan hann kom frá Arsenal 2019.
„Ég veit ekkert um það. Félagið sér um félagaskiptin og við ræðum málin á hverjum degi," sagði Allegri.
„Ramsey spilaði mjög, mjög vel fyrir framan vörnina og ég held að hann geti orðið mikilvægur leikmaður fyrir okkur þar."
Athugasemdir