Ítalía: Fjórða tap Roma í röð

Það gengur hvorki né rekur hjá Roma í ítölsku deildinni en liðið tapaði fjórða leik sínum í röð þegar liðið tók á móti Atalanta í kvöld. Það var markalaust í hálfleik en Artem Dovbyk, framherji Roma, komst í færi í upphafi seinni hálfleiks en kom tánni ekki í boltann

Marten De Roon kom Atalanta yfir þegar skot hans fór af Zeki Celik, varnarmanni Roma, og í netið.

Nicolo Zaniolo kom inn á sem varamaður hjá Atalanta en 25 ára gamli sóknarmaður yfirgaf Roma á síðasta ári eftir að hafa lent upp á kant við Jose Mourinho, þáverandi stjóra félagsins.

Stuðningsmenn Roma tóku á móti honum með bauli en hann átti eftir að láta til sín taka. Hann innsiglaði sigur Atalanta undir lok leiksins. Atlanta er á siglingu en þetta var áttundi sigur liðsins í röð.