Urbano Cairo, forseti Torino, býst ekki við að hægt verði að klára ítalska deildartímabilið.

Torino er óvænt í fallbaráttu, með 27 stig eftir 25 umferðir, og fær tækifæri til að byrja upp á nýtt ef tímabilinu verður aflýst.

„Ég held að tímabilið sé búið. Ef þið lítið á Wuhan þá hefur það tekið tvo og hálfan mánuð að stöðva veiruna. Ef það tekur okkur tvo mánuði þá geta leikmenn byrjað að æfa í lok maí og ekki byrjað að spila fyrr en í lok júní," sagði Cairo.

„Þá þyrftum við að spila júlí og ágúst og hafa svo einn mánuð í frí fyrir næsta tímabil, sem myndi ekki hefjast fyrr en í nóvember! Það er ekki hægt.

„Það á ekkert lið að fá deildartitilinn enda er þriggja liða titilbarátta. Ég hef ekki einu sinni heyrt Andrea Agnelli (forseta Juventus) stinga uppá því að Juve fengi titilinn."

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit