Lengjudeild kvenna: Sigrún setti tvö í stórsigri FH - Eydís með tvö fyrir Gróttu

Þrír leikir fóru fram í Lengjudeild kvenna í gær. Grótta og FH unnu sigra en jafnt var í Kórnum þegar HK og Grindavík mættust.

Augnablik komst yfir með marki Margrétar Leu en Guðfinna Kristín jafnaði leikinn fyrir Gróttu. Eydís Lilja skoraði svo tvö mörk á upphafsmínútum seinni hálfleiks áður en Írena Héðinsdóttir minnkaði muninn. Þriðji sigur Gróttu í sumar staðreynd.

FH vann öruggan 0-4 sigur í Víkinni og er liðið komið upp að hlið Aftureldingar í 2. sæti deildarinnar. Þetta var fjórði sigur FH í röð og skilur liðið Víking eftir sjö stigum á eftir í 4. sætinu.

Botnlið Grindavíkur komst yfir gegn HK en heimakonur náðu að jafna þegar tæpar tuttugu mínútur liðu leiks og þar við sat. Grindavík er stigi fyrir neðan Augnablik og fjórum stigum frá HK sem situr í öruggu sæti.