Blikinn hefur mátt þola mikla bekkjarsetu síðari hluta tímabilsins en þó komið við sögu í úrslitakeppninni.

Houston og LAFC mættust í úrslitaleik Vesturstrandarinnar í nótt og var þar sæti í boði í sjálfan úrslitaleik MLS-bikarsins gegn Colombus Crew.

LAFC vann góðan 2-0 sigur. Ryan Hollingshead skoraði undir lok fyrri hálfleiks og þá gerði Franco Escobar sjálfsmark þegar tíu mínútur voru eftir.

Þorleifur kom inn af bekknum á 77. mínútu leiksins, sem var síðasti leikur hans á þessu tímabili.

Alls spilaði Þorleifur 29 leiki, gerði 4 mörk og lagði upp 1 í öllum keppnum. Hann lék hins vegar aðeins 848 mínútur og því spurning hvort hann sé að hugsa sér til hreyfings í leit að fleiri mínútum.