Bastian Schweinsteiger og Ana Ivanovic saman 2016.
Bastian Schweinsteiger og Ana Ivanovic voru eitt sinn helsta ofurpar íþróttaheimsins. Schweinsteiger varð heimsmeistari með Þýskalandi og lék fyrir Bayern München og Manchester United en Ivanovic var á sínum tíma besta tenniskona heims.
En níu árum eftir að þau gengu í hjónaband eru þau nú skilin. Saman áttu þau þrjá syni; Luca, Leon og svo Theo sem fæddist fyrir tveimur árum.
En níu árum eftir að þau gengu í hjónaband eru þau nú skilin. Saman áttu þau þrjá syni; Luca, Leon og svo Theo sem fæddist fyrir tveimur árum.
Samkvæmt slúðurmiðlum þá byrjaði samband þeirra að gliðna í sundur þar sem Schweinsteiger var mikið fjarverandi vegna vinnu sinnar. Hann er mikils metinn sparkspekingur og hefur ferðast um Evrópu að fjalla um leiki á meðan Ivanovic hefur verið heima í Serbíu með börnin.
Í sumar sást Schweinsteiger kyssa aðra konu á Mallorca og myndir birtust í blaðinu Bild. Sagt var að umrædd kona væri frá Búlgaríu og væri gift. Á þeim tíma var ekki búið að staðfesta það að leiðir Schweinsteiger og Ivanovic hefðu skilið mánuðum áður.
Athugasemdir
