Cristiano Ronaldo byrjar
Þýskaland og Portúgal mætast í undanúrslitum Þjóðadeildar karla klukkan 19:00 á Allianz-Arene í Þýskalandi í kvöld.
Florian Wirtz, sem er sagður á leið frá Bayer Leverkusen til Liverpool, er í byrjunarliði Þjóðverja og þá er Marc-andre ter Stegen í markinu.
Nick Woltemade, sem átti frábært tímabil með Stuttgart, er í byrjunarliðinu í fyrsta A-landsleik sínum.
Cristiano Ronaldo, marka- og leikjahæsti landsliðsmaður allra tíma, byrjar hjá Portúgölum. Það vekur hins vegar athygli að Vitinha, einn besti miðjumaður heims í dag, er á bekknum hjá Portúgal, en Ruben Neves, sem leikur með Al Hilal í Sádi-Arabíu, er í byrjunarliðinu.
Þá er Joao Neves, sem spilar á miðjunni með Vitinha hjá Paris Saint-Germain, í hægri bakverði. Sérstakt byrjunarlið hjá Roberto Martinez, svo ekki sé meira sagt.
Þýskaland: Ter Stegen; Tah, Koch, Anton; Mittelstadt, Goretzka, Kimmich, Pavlovic; Woltemade, Wirtz, Sané
Portúgal: Diogo Costa; João Neves, Rúben Dias, Inácio, Nuno Mendes; Rúben Neves, Bruno Fernandes; Bernardo Silva, Pedro Neto, Trincão; Cristiano
Athugasemdir
