Landsliðsmaðurinn Logi Tómasson mun yfirgefa Noreg þegar sumarglugginn opnast en Strömsgodset hefur gert samkomulag við tyrkneska félagið Samsunspor um sölu.
Samsunspor endaði í þriðja sæti tyrknesku deildarinnar og mun því fara í umspil um að spila í Evrópudeildinni á næsta tímabili. Félagaskiptin eru á lokastigi og aðeins á eftir að ganga frá formsatriðum.
Logi spjallaði við Fótbolta.net í Skotlandi þar sem hann er í landsliðshópnum sem er að fara að mæta Skotum og Norður-Írum í vináttulandsleikjum. Logi segist ekki hafa búist við því að vera að fara að spila í tyrknesku deildinni.
Samsunspor endaði í þriðja sæti tyrknesku deildarinnar og mun því fara í umspil um að spila í Evrópudeildinni á næsta tímabili. Félagaskiptin eru á lokastigi og aðeins á eftir að ganga frá formsatriðum.
Logi spjallaði við Fótbolta.net í Skotlandi þar sem hann er í landsliðshópnum sem er að fara að mæta Skotum og Norður-Írum í vináttulandsleikjum. Logi segist ekki hafa búist við því að vera að fara að spila í tyrknesku deildinni.
„Maður bjóst ekki við því. Þeir eru að spila í Evrópu á næsta ári. Þetta er ógeðslega spennandi skref og spennandi deild. Það er mikil ástríða fyrir fótbolta í Tyrklandi og ég held að þetta muni þroska mig sem leikmaður og persóna. Ég er spenntur fyrir því að spila í Tyrklandi," segir Logi.
„Þeir eru með stóran hóp og náðu að klára þriðja sætið í lokin. Það er umspil fyrir Evrópudeildina þannig að þetta er spennandi. Það var kominn tími á þetta skref."
Það fer vel um íslensku landsliðsmennina í Skotlandi eins og kemur fram kemur í viðtalinu sem sjá má í heild hér að ofan. Við hótel liðsins er golfvöllur sem Logi hefur nýtt sér þegar tími gefst. Leikur Skotlands og Íslands verður annað kvöld á Hampden Park.
Athugasemdir
