Grindavík/Njarðvík tók á móti KR á JBÓ vellinum í kvöld þegar sjötta umferð Lengjudeild kvenna hóf göngu sína.
Grindavík/Njarðvík hafa byrjað mótið virkilega vel og þær héldu uppteknum hætti í kvöld með frábærum sigri á
Lestu um leikinn: Grindavík/Njarðvík 3 - 1 KR
„Mjög sáttur" sagði Gylfi Tryggvason þjálfari Grindavík/Njarðvík eftir leik.
„Við vorum að spila á móti helvíti sterku liði hjá KR. Þær eru mjög kröftugar og gott fótboltalið. Ég er bara mjög ánægður að hafa fengið þær í heimsókn og við förum héðan með fína frammistöðu á bakinu, þrjú stig og næstum því hreint lak, okkar fyrsta í sumar. Við héldum hreinu í 90. mínútur er það ekki eitthvað?"
Gylfi Tryggvason tók undir mikilvægi þess að hafa skorað fyrsta markið í kvöld.
„Ég get alveg tekið undir það. KR er ekki lið sem að mig langar eitthvað sérstaklega að lenda undir á móti. Mér fannst alveg mikilvægt að skora fyrsta markið"
„Við erum búnar að fá á okkur fyrsta markið núna síðustu tvo leiki á undan og komum til baka reyndar en maður vill skora fyrsta markið, annað markið og þriðja markið, skora öll mörkin í leiknum"
„Eins og leikurinn var að spilast, tvö hörku lið þá var mjög gott að ná fyrsta markinu og fylgja síðan eftir með öðru marki. Það var bara 'crucial' fannst mér"
Grindavík/Njarðvík er við toppsæti deildarinnar eftir sex umferðir en Gylfi Tryggvason vill þó ekki meina að þær séu farnar að horfa eitthvað á töfluna ennþá.
„Nei, ég held það sé 'pointless'. Ég held að ef einhver þjálfari segir við þig að hann tékki ekki á þessa töflu eftir hvern leik bara svona til að kíkja, ég held að hann væri að ljúga þannig ég ætla ekki að ljúga því að maður tékki ekki stöðuna"
„Þetta er ekkert að marka og mun ekkert vera að marka fyrr en það eru bara 2-3 leikir eftir. Við erum ekki að pæla mikið í töflunni, í raun ekki neitt. Við erum bara að pæla í okkur sjálfum"
Nánar er rætt við Gylfa Tryggvason í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. HK | 6 | 5 | 0 | 1 | 16 - 7 | +9 | 15 |
| 2. Grindavík/Njarðvík | 6 | 4 | 1 | 1 | 13 - 9 | +4 | 13 |
| 3. ÍBV | 5 | 4 | 0 | 1 | 24 - 3 | +21 | 12 |
| 4. KR | 6 | 3 | 1 | 2 | 14 - 15 | -1 | 10 |
| 5. Grótta | 6 | 3 | 0 | 3 | 14 - 12 | +2 | 9 |
| 6. Fylkir | 6 | 2 | 0 | 4 | 8 - 12 | -4 | 6 |
| 7. Haukar | 6 | 2 | 0 | 4 | 6 - 16 | -10 | 6 |
| 8. Keflavík | 5 | 1 | 2 | 2 | 6 - 7 | -1 | 5 |
| 9. ÍA | 6 | 1 | 2 | 3 | 7 - 12 | -5 | 5 |
| 10. Afturelding | 6 | 1 | 0 | 5 | 3 - 18 | -15 | 3 |
