Fyrirliði Völsungs átti mjög góðan leik í kvöld.
„Tilfinningin er geggjuð, alltaf geggjað að vinna grannaslag, mikil sigurvíma núna," sagði fyrirliði Völsungs, Arnar Pálmi Kristjánsson, við Fótbolta.net eftir 1-3 útisigur liðsins gegn Þór í kvöld.
Fréttamaður náði tali á Arnari í miðjum fagnaðarlátum Húsvíkinga.
Fréttamaður náði tali á Arnari í miðjum fagnaðarlátum Húsvíkinga.
Lestu um leikinn: Þór 1 - 3 Völsungur
„Þetta er ómetanlegur stuðningur sem við fáum hérna, þau gera sé ferð til Akureyrar og það var örugglega ekki mínúta sem það heyrðist ekki í þeim yfir allan leikinn. Það var geggjað að spila þennan leik, við vorum saman í öllu, börðumst fyrir hvorn annan allan tímann, þvílík orka í liðinu og ég gæti ekki verið sáttari."
Arnar Pálmi skoraði glæsilegt mark undir lok fyrri hálfleiks og kom með því Völsungum yfir í leiknum,
„Ég sá að hann ætlaði að hamra honum inn í teig þannig ég ætlaði að fara á fjær, svo skoppar hann einhvern veginn og lendir svona fallega á hægri. Ég hef aldrei skorað áður með hægri, ótrúlegt að hann fór inn. Þetta var 100% besta skot ferilsins með hægri."
Bakvörðurinn mætti sínum fyrrum liðsfélaga, Juan Guardia, í þessum leik. „Það er alltaf erfitt að mæta honum, Juan er mjög góður leikmaður og það var mjög gaman að spila með honum. Ég vissi að það yrði erfitt."
Ætlið þið að fagna almennilega í kvöld?
„Nei, það er bara vinna í fyrramálið þannig við förum bara snemma að sofa," sagði fyrirliðinn.
Viðtalið í heild sinni má sjá í spilaranum efst.
Athugasemdir
