KR heimsótti Grindavík/Njarðvík suður með sjó á JBÓ völlinn í kvöld þegar sjötta umferð Lengjudeild kvenna hóf göngu sína.
Lestu um leikinn: Grindavík/Njarðvík 3 - 1 KR
„Við áttum bara ekki skilið að fá neitt út úr þessum leik" sagði Ívar Ingimarsson annar af þjálfurum KR eftir leikinn í kvöld.
„Grindavík/Njarðvík stóð sig bara mjög vel og voru betri aðilinn. Mér fannst ekkert mikið á milli liðana þannig séð þar til að fyrsta markið kom"
„Ef við gefum ódýr mörk þá er erfitt að koma til baka úr því. Við skoruðum eitt mark í lokin en það var bara of seint þar sem að það 'effort' kom inn. Virkilega vel af þessu marki staðið og allt það en 3-0 undir og það var bara of mikið"
Mikil jafnræði var með liðunum í fyrri hálfleik og tók Ívar Ingimarsson undir það að fyrsta markið hafi skipt sköpum.
„Alveg klárlega. Þetta er klisja en mörk breyta leikjum og ef við horfum á þessi þrjú mörk sem við fengum á okkur. Maður var svekktur og þegar maður horfir á þau í dag þá held ég að maður verði alveg jafn svekktur á morgun eða í kvöld þegar maður kíkir á þau"
„Þau voru full einföld fannst manni. Það var ekki beint verið að spila okkur sundur og saman í þeim. Heilt yfir þá fannst mér við samt bara ekki eiga meira skilið úr þessum leik heldur en að við fengum"
„Það góða er að maður veit að við eigum miklu meira inni heldur en þetta og höfum verið að sýna það framan af"
Nánar er rætt við Ívar Ingimarsson í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. HK | 6 | 5 | 0 | 1 | 16 - 7 | +9 | 15 |
| 2. Grindavík/Njarðvík | 6 | 4 | 1 | 1 | 13 - 9 | +4 | 13 |
| 3. ÍBV | 5 | 4 | 0 | 1 | 24 - 3 | +21 | 12 |
| 4. KR | 6 | 3 | 1 | 2 | 14 - 15 | -1 | 10 |
| 5. Grótta | 6 | 3 | 0 | 3 | 14 - 12 | +2 | 9 |
| 6. Fylkir | 6 | 2 | 0 | 4 | 8 - 12 | -4 | 6 |
| 7. Haukar | 6 | 2 | 0 | 4 | 6 - 16 | -10 | 6 |
| 8. Keflavík | 5 | 1 | 2 | 2 | 6 - 7 | -1 | 5 |
| 9. ÍA | 6 | 1 | 2 | 3 | 7 - 12 | -5 | 5 |
| 10. Afturelding | 6 | 1 | 0 | 5 | 3 - 18 | -15 | 3 |
