Ágúst Eðvald Hlynsson var í viðtali hjá Fótbolta.net í dag og var spurður aðeins út í Hall en þeir spiluðu saman hjá Horsens.

„Hallur er í fyrsta lagi topp gaur og topp atvinnumaður. Ef hann er heill og 100% fókseraður held ég að hann verði geggjaður."

Aðspurður hvort hann gæti verið besti leikmaður Íslandsmótsins svaraði hann því játandi.

„Áður en danska tímabilið var búið var hann að spila alla leikina fyrir Veijle og var besti maðurinn þar, skora og leggja upp, það kom mér mikið á óvart að hann skyldi koma í KR."

Hann getur hlaupið endalaust.

„Hann er box-to-box leikmaður, góður í öllu, hleypur teigana á milli og með þvílíka orku. Þegar við vorum að taka jójó test í Horsens þá var það hnífjafn slagur."