Æfingaleikur: Þróttur skoraði fimm gegn Ægi

Þróttur R. og Ægir áttust við í æfingaleik á dögunum sem lauk með stórsigri Þróttar.

Staðan var 2-1 í leikhlé en Þróttarar stungu af í síðari hálfleik og enduðu á að skora fimm mörk í heildina.

Þar var Kári Kristjánsson atkvæðamestur með tvennu en Andi Morina, Stefán Þórður Stefánsson og Hinrik Harðarson komust einnig á blað.

Sterkustu leikmenn beggja liða voru hvíldir og fengu ungir leikmenn tækifæri í þeirra stað.