Jadon Sancho, Raphael Guerreiro og Giovanni Reyna verða ekki með Borussia Dortmund gegn Bayern München um helgina er liðin eigast við í þýsku deildinni en þetta er reiðarslag fyrir Dortmund.

Sancho er í hópi bestu leikmanna heims um þessar mundir en hann hefur verið drifkraftur í liði Dortmund síðustu þrjú tímabil ásamt norska framherjanum Erling Braut Haaland.

Enski vængmaðurinn meiddist í sigri Dortmund á Borussia Monchengladbach í þýska bikarnum í vikunni og var skipt af velli stuttu eftir að hann gerði annað mark Dortmund.

Hann verður ekki með Dortmund gegn Bayern í stórslagnum um helgina og þá er portúgalski vængmaðurinn Raphael Guerreiro einnig fjarri góðu gamni.

Bandaríski sóknartengiliðurinn Giovanni Reyna er ekki heldur í hópnum en Dortmund hefur þó ekki greint frá ástæðu þess að hann sé utan hóps.

Bayern er í efsta sæti deildarinnar, þrettán stigum á undan Dortmund sem er í fimmta sætinu og hefur spilað langt undir getu á þessu tímabili.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit