Riðill Íslands:
Þýskaland
Austurríki
Ísland
Pólland

Eru öruggar í umspilið
Ísland vann á dögunum 2-1 dramatískan sigur á Serbíu og hélt sér þannig í A-deild Þjóðadeildarinnar. Það var gríðarlega mikilvægt fyrir liðið sem á þannig meiri möguleika á því að komast inn á EM 2025. Það verður haldið í Sviss.

Þetta verður ekki hefðbundin undankeppni, heldur verður hún með Þjóðadeildabragi, ef svo má að orði komast.

Með því að vera áfram í A-deild erum við allavega örugg í umspil fyrir næsta stórmót en við eigum þá líka möguleika á að komast beint inn á Evrópumótið. Ef við hefðum fallið í B-deild þá hefði það ekki verið raunin.

Við förum í A-deild undankeppninnar og mætum öðrum liðum úr þeirri deild í riðlakeppni. Það verða erfiðari leikir en möguleikarnir okkar verða betri.

Liðin í fyrsta og öðru sæti í sínum riðlum í A-deild komast beint á EM en liðin átta í þriðja og fjórða sæti mæta átta bestu liðunum úr C-deild í umspili. Sex bestu liðin úr B-deild fara einnig í umspil við sex næstbestu liðin úr B-deild. Það komast svo sex lið áfram þar og átta lið áfram úr A- og C-deild. Fjórtán lið munu því leika í sjö einvígum í umspili um sæti á EM en Sviss kemst beint á mótið sem gestgjafi.

Leikdagar í undankeppni EM:
Leikdagar eitt & tvö: 3. - 9. apríl
Leikdagar þrjú & fjögur: 29. maí - 4. júní
Leikdagar fimm & sex: 10. - 16. júlí
Umspil eitt: 23. - 29. október
Umspil tvö: 27. nóvember - 3. desember