Dagur Dan tryggði sigur í vítaspyrnukeppni - Nökkvi tapaði
Mynd: Getty Images
Mynd: Getty Images
Orlando City er komið áfram í Leagues Cup eftir sigur á Atletico San Luis eftir vítaspyrnukeppni.
Dagur Dan Þórhallsson lék allan leikinn fyrir Orlando en hann tryggði liðinu sigur.
Staðan var jöfn eftir venjulegan leiktíma og framlengingu. Bæði lið skoruðu úr þremur fyrstu vítunum en San Luis klikkaði á fjórðu spyrnu sinni. Það var í höndum Dags að skora úr fimmtu spyrnu Orlando sem hann gerði og tryggði liðinu sigur.
Nökkvi Þeyr Þórisson byrjaði á bekknum þegar St. Louis City tapaði í vítaspyrnukeppni gegn Juarez. Staðan var 1-1 eftir venjulegan leiktíma og framlengingu. Juarez vann 4-1 í vítaspyrnukeppninni en Nökkvi var sá eini sem skoraði fyrir St Louis.
