Lagði upp mark gegn Víkingi á sunnudag.
FH staðfesti með færslu á samfélagsmiðlum í dag að Ahmad Faqa myndi klára tímabilið hjá félaginu. Heimir Guðjónsson, þjálfari liðsins, sagði við Fótbolta.net eftir leikinn gegn Val fyrir rúmri viku síðan að það væri svo gott sem klárt, og í kjölfarið kláraði FH viðræðurnar við AIK.
Faqa er miðvörður sem kom í lok félagaskiptagluggans í vor, sá samningur var í gildi út júlí og eftir góða spilamennsku vildi FH framlengja þann samning. KR hafði áhuga á að fá Faqa í sínar raðir en tókst ekki að landa sænska Sýrlendingnum sem hefur verið í stóru hlutverki hjá FH.
Faqa er miðvörður sem kom í lok félagaskiptagluggans í vor, sá samningur var í gildi út júlí og eftir góða spilamennsku vildi FH framlengja þann samning. KR hafði áhuga á að fá Faqa í sínar raðir en tókst ekki að landa sænska Sýrlendingnum sem hefur verið í stóru hlutverki hjá FH.
Faqa, sem er 22 ára, mun klára tímabilið á láni hjá FH og samkvæmt heimildum Fótbolta.net er kaupmöguleiki í lánssamningnum við AIK. FH getur því keypt hann á ákveðna upphæð á meðan lánsdvölinni stendur.
Samningur Faqa við AIK rennur út í lok árs 2026.
„Ahmad Faqa verður leikmaður FH út tímabilið," segir í færslu FH.
Athugasemdir
