Gervigras verður lagt á Meistaravelli.
Í dag klukkan 15:00 verður tekin fyrsta skóflustunga að gervigrasi á Meistaravöllum og þar með fyrsti áfangi í endurbótum á KR svæðinu orðinn að veruleika.
„Næstu mánuðir fara í framkvæmdir á aðalvelli okkar KR-inga, Meistaravöllum. Það er því staðreynd að næsta sumar munu liðin okkar spila sína heimaleiki á gervigrasi," segir í tilkynningu KR.
„Næstu mánuðir fara í framkvæmdir á aðalvelli okkar KR-inga, Meistaravöllum. Það er því staðreynd að næsta sumar munu liðin okkar spila sína heimaleiki á gervigrasi," segir í tilkynningu KR.
„Þetta er aðeins fyrsti áfangi af nokkrum áföngum á endurbótum hjá KR og því spennandi mánuðir framundan."
Þetta eru stórar breytingar fyrir Vesturbæjarstórveldið.
Það er þá þannig að tíu af tólf liðum Bestu deildar karla verða á gervigrasi næsta sumar. ÍBV er einnig með plön um að leggja gervigras á sinn völl og þá verða aðeins FH og ÍA með náttúrulegt gras á sínum velli.
Síðastliðið sumar voru níu af tólf liðum með gervigras í Bestu deildinni.
Athugasemdir
