Undankeppni EM U21 árs landsliða 2021 er farin af stað og byrjaði stjörnum prýtt landslið Englendinga á góðum sigri gegn sterku liði Tyrkja.
Eddie Nketiah og Reiss Nelson, leikmenn Arsenal, voru hetjur Englendinga í leiknum.
Nketiah, sem leikur fyrir Leeds að láni, skoraði fyrsta mark leiksins strax á fjórðu mínútu. Leikurinn var jafn og náðu Tyrkir að jafna svo staðan var 1-1 í hálfleik.
Mert Muldur, sem var keyptur til Sassuolo í Serie A í sumar, kom heimamönnum yfir í upphafi síðari hálfleiks en Nketiah jafnaði á 74. mínútu. Skömmu síðar skoraði Nelson og innsiglaði 2-3 sigur.
Kosóvó er næsti andstæðingur Englands. Kosóvó er á toppi riðilsins með sex stig eftir tvo leiki. Liðin mætast á mánudaginn.
Tyrkland U21 2 - 3 England U21
0-1 Eddie Nketiah ('4)
1-1 D. Sinik ('25)
2-1 Mert Muldur ('51)
2-2 Eddie nketiah ('74)
2-3 Reiss Nelson ('75)
U21 lið Noregs lagði þá Kýpur að velli á meðan Finnland sigraði í Úkraínu og Wales lagði Belgíu. Færeyjar töpuðu í Svartfjallalandi.
Ísland byrjaði á 3-0 sigri gegn Lúxemborg.
Úkraína U21 0 - 2 Finnland U21
Kasakstan U21 0 - 1 Spánn U21
Lettland U21 0 - 1 Pólland U21
Tékkland U21 2 - 0 Litháen U21
Wales U21 1 - 0 Belgía U21
Noregur U21 2 - 1 Kýpur U21
Svartfjallaland U21 3 - 0 Færeyjar U21
Norður-Írland U21 0 - 0 Malta U21
Írland U21 1 - 0 Armenía U21
Athugasemdir