Moreno er 29 ára gamall og hefur spilað fyrir Betis síðustu þrjú ár en hann gerði 5 mörk í 38 leikjum á síðustu leiktíð er liðið varð bikarmeistari.

Nottingham Forest hefur verið í viðræðum við Betis síðustu daga um kaup á Moreno og er nú samkomulag í höfn, en enska félagið greiðir 9 milljónir punda fyrir leikmanninn.

Moreno mun halda til Englands á næstu dögum og gangast undir læknisskoðun áður en gengið verður frá helstu smáatriðum.

Hann verður 13. leikmaðurinn sem Forest fær til sín í sumar en liðið er nýliði í ensku úrvalsdeildinni. Forest ætlar að bæta frekar við hóp sinn áður en glugginn lokar.