„Við byrjuðum hvorugan hálfleikinn vel, en við unnum okkur vel inn í leikinn og gerðum það sem við þurftum," sagði Aron Einar Gunnarsson, landsliðsfyrirliði, eftir 3-0 sigur gegn Moldóvu í undankeppni EM 2020 í dag.
Lestu um leikinn: Ísland 3 - 0 Moldóva
„Við töluðum alltaf um það að klára þessa leiki hér heima. Þetta gat alveg verið eitthvað bananahýði, en mér fannst við tækla þetta verkefni mjög vel. Þeir fengu ekki mörg færi og við héldum þeim í burtu frá markinu."
Ísland spilaði í 4-4-2 og í byrjunarliðinu voru 9 af 11 leikmönnum sem spiluðu alla leiki á EM 2016.
„'Back to basics' eins og maðurinn sagði. Við kunnum þetta allt. Við vitum hvað þarf að gera. Það vita allir hvað felst í því verkefni sem hver og einn tekur sér. Jákvætt að við skiluðum sigri."
Það hellirigndi fyrir leikinn í dag, en það stytti upp þegar leikurinn hófst. Var ekki gaman að spila á blautum vellinum?
„Það var smá rigning og það er bara kósý. Það er ekki búið að rigna í Katar heillengi og því fínt að smá rigningu."
Viðtalið er hér að ofan.
Athugasemdir
