„Ég get ekki verið annað en ánægður eftir svona leik. Vinna 7-1 á erfiðum útivelli er bara ansi gott. Ég var óánægður að fá gult spjald og vera í banni í næsta leik en annars ótrúlega ánægður," sagði fyrirliði Fjölnis eftir 1-7 sigur á Þór á Þórsvellinum í dag.

Lestu um leikinn: Þór 1 -  7 Fjölnir

Eftir erfitt gengi að undanförnu er Fjölnir búið að sigra síðustu tvo leiki með nokkrum yfirburðum.

„Við erum búnir að sýna það í síðustu tveimur leikjum að þegar við erum í lagi þá erum við drullugóðir. Gott að klára þetta verkefni hér í dag."

Liðið hefur skorað 13 mörk í síðustu tveimur leikjum.

„Er þetta ekki fræga Ketchup effect þarna með glerflöskuna, kemur ekkert og svo sprautast allt út. Við vorum búnir að vera í smá þurrk þarna fyrir en þetta er bara frábært. Þegar við erum tilbúnir fyrir hvern annan er erfitt að eiga við okkur."

Fjölnir er á toppnum með 41 stig þegar tvær umferðir eru eftir.

„Þetta lítur vel út en það er ekkert komið enn. Við þurfum að einbeita okkur. Þurfum að koma okkur niður á jörðina eftir þennan leik sem við gerum bara á morgun og síðan verðum við bara að undirbúa okkur fyrir næsta leik. Það eru ennþá sex stig í pottinum og 5 stig í næsta lið þannig við eigum ekkert efni á að hugsa eitthvað lengra."

Bergsveinn fékk gult spjald í leiknum og verður því banni á móti Leiknir R. í næstu umferð.

„Það er ótrúlega sárt en við leysum það alveg. Það kemur bara maður í mann stað og ég verð mætur í stúkuna með einhver læti þannig ég legg mitt að mörkum þar."

Viðtalið má sjá í heild sinni hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit