Sóknarmaðurinn er þrítugur að aldri og uppalinn í Fram. Hann lék með félaginu til ársins 2014 er hann gekk til liðs við Víking í Ólafsvík. Guðmundur hefur einnig leikið með HK, Keflavík, ÍBV og Grindavík á sínum ferli. Alls hefur Guðmundur leikið 167 leiki fyrir Fram og skorað í þeim 55 mörk.

Í sumar skoraði hann sjö mörk í 22 leikjum þegar Fram endaði efst í Lengjudeildinni og setti stigamet.

„Knattspyrnudeild Fram fagnar því að hafa Guðmund áfram í sínum röðum og það er ljóst að reynsla hans og gæði koma til með að nýtast félaginu vel á næstu árum í deild þeirra bestu," segir í tilkynningu Fram.