Þróttur heimsótti Keflavík á HS Orku völlinn í kvöld þegar önnur umferð Lengjudeildarinnar hóf göngu sína í kvöld.
Aðstæður buðu ekki upp á frábæran fótbolta en það voru Þróttarar sem náðu að stela sigrinum seint í leiknum með marki frá Liam Daða Jeffs.
Lestu um leikinn: Keflavík 0 - 1 Þróttur R.
„Ógeðslega sætt, það er það eina sem ég get sagt" sagði Liam Daði Jeffs hetja Þróttara í kvöld en hann skoraði eina mark leiksins.
Keflavík er álitið meðal sigurstranglegri liðum deildarinnar svo það var virkilega sterkt að koma á erfiðan útivöll og sækja öll þrjú stigin.
„Mjög sterkt. Við vitum alveg að við getum unnið þetta lið. Við tókum þá á Þróttaravellinum í fyrra 3-2 og gerðum jafntefli líka við þá í fyrra þannig við höfum alla burði og getu til þess að vinna þetta lið og þessi stærri lið"
Aðstæðurnar í Keflavík í dag voru erfiðar en hvernig var tilfiningin inni á vellinum?
„Mjög góð. Við settum leikinn upp bara þannig að 'match-a' baráttuna þeirra og við gerðum það klárlega fannst mér"
Þróttarar fengu nokkur færi í leiknum áður en Liam Daði Jeffs kom inná en hver voru skilaboðin frá Venna áður en hann kom inn?
„Settu boltann í netið. Það var ekkert flóknara en það"
Nánar er rætt við Liam Daða Jeffs í spilaranum hér fyrir ofan.
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍR | 9 | 5 | 4 | 0 | 12 - 4 | +8 | 19 |
| 2. Njarðvík | 9 | 4 | 5 | 0 | 21 - 9 | +12 | 17 |
| 3. HK | 9 | 5 | 2 | 2 | 17 - 9 | +8 | 17 |
| 4. Þór | 9 | 4 | 2 | 3 | 20 - 17 | +3 | 14 |
| 5. Þróttur R. | 9 | 4 | 2 | 3 | 16 - 15 | +1 | 14 |
| 6. Völsungur | 9 | 4 | 1 | 4 | 15 - 19 | -4 | 13 |
| 7. Keflavík | 8 | 3 | 3 | 2 | 15 - 9 | +6 | 12 |
| 8. Grindavík | 8 | 3 | 2 | 3 | 22 - 19 | +3 | 11 |
| 9. Leiknir R. | 9 | 2 | 2 | 5 | 10 - 22 | -12 | 8 |
| 10. Fylkir | 9 | 1 | 4 | 4 | 10 - 14 | -4 | 7 |
| 11. Fjölnir | 9 | 1 | 3 | 5 | 11 - 19 | -8 | 6 |
| 12. Selfoss | 9 | 2 | 0 | 7 | 6 - 19 | -13 | 6 |
