Aron Sig.
Guðmundur Andri.
Aron Sigurðarson, fyrirliði KR, verður ekki með KR þegar liðið tekur á móti ÍBV í 6. umferð Bestu deildarinnar á AVIS vellinum annað kvöld. Leikurinn hefst klukkan 19:00.
„Hann æfði í dag, kláraði æfinguna en er ekki að fara spila á morgun," segir Óskar Hrafn Þorvaldsson, þjálfari KR, við Fótbolta.net. Aron meiddist á æfingu með KR í aðdraganda leiksins gegn Breiðabliki og var ekki með í þeim leik.
„Hann æfði í dag, kláraði æfinguna en er ekki að fara spila á morgun," segir Óskar Hrafn Þorvaldsson, þjálfari KR, við Fótbolta.net. Aron meiddist á æfingu með KR í aðdraganda leiksins gegn Breiðabliki og var ekki með í þeim leik.
Óskar sagði þá frá því að þeir Alexander Rafn Pálmason og Sigurður Breki Kárason væru komnir aftur eftir U16 landsliðsverkefni. Þeir voru á UEFA móti og spiluðu þrjá leiki með U16 á síðustu dögum, byrjuðu báðir tvo þeirra. Þjálfarinn sagði þá að Guðmundur Andri Tryggvason væri klár í að vera í hópnum.
Guðmundur Andri hefur ekki spilað síðan í bikarsigrinum gegn KÁ en þá fór hann af velli í hálfleik.
Miðvörðurinn Birgir Steinn Styrmisson er hins vegar frá vegna meiðsla. „Staðan á honum er svolítið óljós, það er smá óvissuástand með hann. Hann tognaði og hefur verið á sama stað í tíu daga sem er svolítið óþægilegt," segir Óskar.
KR er með sjö stig eftir fimm umferðir, alveg eins og ÍBV. Liðin mætast svo aftur á AVIS vellinum í 16-liða úrslitum Mjólkurbikarsins á miðvikudag.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 5 | 3 | 1 | 1 | 10 - 4 | +6 | 10 |
| 2. Vestri | 5 | 3 | 1 | 1 | 6 - 2 | +4 | 10 |
| 3. Breiðablik | 5 | 3 | 1 | 1 | 10 - 8 | +2 | 10 |
| 4. KR | 5 | 1 | 4 | 0 | 15 - 10 | +5 | 7 |
| 5. ÍBV | 5 | 2 | 1 | 2 | 6 - 7 | -1 | 7 |
| 6. Afturelding | 5 | 2 | 1 | 2 | 4 - 5 | -1 | 7 |
| 7. Fram | 5 | 2 | 0 | 3 | 10 - 9 | +1 | 6 |
| 8. Valur | 5 | 1 | 3 | 1 | 8 - 9 | -1 | 6 |
| 9. Stjarnan | 5 | 2 | 0 | 3 | 7 - 10 | -3 | 6 |
| 10. ÍA | 5 | 2 | 0 | 3 | 5 - 9 | -4 | 6 |
| 11. FH | 5 | 1 | 1 | 3 | 8 - 8 | 0 | 4 |
| 12. KA | 5 | 1 | 1 | 3 | 6 - 14 | -8 | 4 |
Athugasemdir
