Arnar Grétarsson, þjálfari Breiðabliks, var ánægður eftir að hans menn komust í 8-liða úrslit Borgunarbikarsins í kvöld.
Breiðablik vann 2-1 sigur gegn ÍA í framlengdum leik, en Arnar hefði viljað sjá sína menn klára leikinn fyrr.
Breiðablik vann 2-1 sigur gegn ÍA í framlengdum leik, en Arnar hefði viljað sjá sína menn klára leikinn fyrr.
„Mér fannst þetta heilt yfir mjög góður leikur og mér fannst við spila vel að öllu leyti nema einu, við vorum ekki að nýta færin. Við vorum að skapa aragrúa af færum," sagði Arnar eftir leikinn.
„Við hefðum átt að vera búnir að klára leikinn nógu fyrr, við fengum helling af færum í þessum leik og ég held við höfum aldrei fengið svona mikið af færum það sem af er þessu sumri. En þetta hefur áður verið vandamál að koma boltanum í netið."
Athugasemdir
