Al Nassr í viðræðum við Juventus
Mynd: Getty Images
Mynd: Getty Images
Al Nassr er í viðræðum við Juventus um kaup á pólska markverðinum Wojciech Szczesny.
Juventus er tilbúið að selja markvörðinn þar sem Michele Di Gregorio er á leið til félagsins frá Monza fyrir 18 milljónir evra. Þá er Mattia Perin í viðræðum við félagið um nýjan samning.
Það er því í höndum markvarðarins hvort hann vilji ganga til liðs við suður-arabíska liðið.
Szczesny er 34 ára gamall og gekk til liðs við Juventus frá Arsenal árið 2017. Hann hefur spilað rúmlega 250 leiki fyrir ítalska félagið.
