Hart gerði sig sekan um afar slæm mistök þegar Southampton komst í 2-0, en hann missti þá skot frá Rickie Lambert úr höndum og í gegnum kloft sitt. Steven Davis var þar mættur á marklínuna og kom boltanum auðveldlega í netið.

Hart hefur þegar gert nokkur slæm mistök á tímabilinu og segir Mancini að hann eigi að gera betur.

,,Joe hefur gert of mörg mistök. Hann hefur ekki verið nægilega góður," sagði ítalski stjórinn.

,,Þetta voru mjög slæm mistök hjá honum. Þetta var ekki nógu gott. Þetta er ekki skrýtið þar sem hann hefur þegar gert nokkur mistök á þessu ári."