Vestri fær nýliðana frá Mosfellsbæ í heimsókn á Ísafjörð í dag áður en KR, Valur og Stjarnan eiga heimaleiki í kvöld.

Vestri deilir óvænt toppsæti deildarinnar með titilbaráttuliðunum frá því í fyrra en Afturelding hefur heldur ekki farið illa af stað og er um miðja deild með 7 stig eftir 5 umferðir, þremur stigum á eftir Vestra.

Taplausir KR-ingar eiga einnig 7 stig og taka þeir á móti nýliðum ÍBV í kvöld. Liðin eru jöfn á stigum fyrir þennan klassíska slag, alveg eins og Stjarnan og Fram sem eiga bæði 6 stig og mætast í innbyrðisviðureign. Valur og ÍA eru í nákvæmlega sömu stöðu, með 6 stig og mætast sín á milli í kvöld.

Grindavík spilar svo sinn fyrsta heimaleik á Stakkavíkurvelli í deild eftir rúmlega eins árs fjarveru í kjölfar eldgosanna við Sundhnúksgíga sem eyðilögðu bæinn. Grindvíkingar taka á móti Fjölni á sama tíma og Njarðvík fær Völsung í heimsókn í Lengjudeildinni.

Þá eru einnig leikir á dagskrá í 2. deildum karla og kvenna, sem og í 3. og 4. deild karla.

Besta-deild karla
14:00 Vestri-Afturelding (Kerecisvöllurinn)
19:00 KR-ÍBV (AVIS völlurinn)
19:15 Valur-ÍA (N1-völlurinn Hlíðarenda)
19:15 Stjarnan-Fram (Samsungvöllurinn)

Lengjudeild karla
16:00 Grindavík-Fjölnir (Stakkavíkurvöllur)
16:00 Njarðvík-Völsungur (JBÓ völlurinn)

2. deild karla
14:00 Ægir-KFA (GeoSalmo völlurinn)
14:00 Víkingur Ó.-KFG (Ólafsvíkurvöllur)
14:00 Höttur/Huginn-Kári (Fellavöllur)
16:00 Kormákur/Hvöt-Grótta (Blönduósvöllur)
16:00 Þróttur V.-Dalvík/Reynir (Vogaídýfuvöllur)

2. deild kvenna
12:30 KÞ-Sindri (AVIS völlurinn)
14:00 ÍH-Einherji (Skessan)
14:00 Selfoss-ÍR (JÁVERK-völlurinn)

3. deild karla
14:00 Ýmir-KFK (Kórinn)
14:00 Tindastóll-Sindri (Sauðárkróksvöllur)
16:00 Árbær-Augnablik (Domusnovavöllurinn)

4. deild karla
13:30 KÁ-KFS (BIRTU völlurinn)