Kjartan kom inn á sem varamaður í seinni hálfleiknum og um mínútu eftir að hann kom inn á þá lenti hann í átökum við Damir Muminovic, varnarmann Breiðabliks.
Kjartan og Damir fengu báðir gult spjald frá Sigurði Hirti Þrastarsyni, dómara leiksins, en á samfélagsmiðlum er mikil umræða um það hvort að liturinn hefði átt að vera annar litur á spjaldinu hjá Kjartani.
Kristján Óli Sigurðsson, stuðningsmaður Breiðabliks, er harðorður í garð Kjartans en Þorkell Máni Pétursson, sem unnið hefur sem sérfræðingur í kringum Bestu deildina fyrir Stöð 2, er á því að þetta hafi aldrei verið rautt spjald.
„Aldrei rautt! Næsta mál," skrifar Máni og er ósammála Kristjáni. Sumir saka Damir um leikræna tilburði, en það skapaðist mikill hiti á milli hans og Kjartans eftir þetta.
Kjartan var fyrir stuttu dæmdur í bann fyrir að gefa Nikolaj Hansen olnbogaskot. KSÍ dæmdi þá Kjartan í bannið en hann getur ekki farið í bann fyrir atvikið í dag þar sem hann fékk gult spjald fyrir það af dómara leiksins.
Hægt er að sjá brot af umræðunni hér fyrir neðan og deila einhverjir myndbandi af atvikinu en leikurinn var sýndur í beinni á Stöð 2 Sport. Dæmi hver fyrir sig.
Damir gaf ekki kost á sér í viðtal eftir leikinn í dag, en hann er á leiðinni í bann út af þessu gula spjaldi sem hann fékk í dag.
Sjá einnig:
Kjartan Henry: Spilaði í átta ár erlendis og aldrei var þetta umræðan
Dæma frekar Kjartan Henry í bann út árið. Þvílíkur pappakassi.
— Kristján Óli Sigurðsson (@kristjanoli) June 10, 2023
Kjartan Henry lucky lad þarna.
— Rikki G (@RikkiGje) June 10, 2023
Damir fær gult þegar Kjartan skallar hann jæja
— Doddi (@doddidd) June 10, 2023
Aldrei rautt! Næsta mál
— Máni Pétursson (@Manipeturs) June 10, 2023
Á hvaða deal er þetta Kjartan Henry hjá dómurum landsins. Sigurður Hjörtur punglaus ekki í fyrsta skipti.
— Eysteinn Þorri (@eysteinnth) June 10, 2023
???????????? pic.twitter.com/giDXOjn26M
— Ólafur Jónsson (@olafurasgeir) June 10, 2023
Took Kjartan Henry about 60 seconds before he managed to headbutt Damir today. Surely he can't go on like this?
— Lucas Arnold (@FotboltiLucas) June 10, 2023
Kjartan Henry á ekki bara að fá rautt spjald fyrir að skalla Damir. KSÍ á að skilda KH á reiðinámskeið! #fótbolti
— Ómar Stefánsson (@OmarStef) June 10, 2023
Hvað er ég að sjá hérna? Hvernig er þetta ekki rautt?
— Orri Rafn Sigurdarson (@OrriRafn) June 10, 2023
Getur eh með dómaramenntun útskýrt fyrir mér hvers vegna þetta er gult á báða en ekki rautt á Kjartan? pic.twitter.com/PfeXIgC26J
Rétt strauk hann , en greinilegt að mikið sé lagt í leiklistina í Kópavogi.
— Ómar Sigurðsson (@Omarsigurds) June 10, 2023
Þetta er auðvitað gult á báða???? pic.twitter.com/ISPDgwD0Gd
— Freyr S.N. (@fs3786) June 10, 2023
