„Víkingar eru búnir að gefa Andra Rúnari Bjarnasyni vænlegt samningstilboð," sagði Hrafnkell Freyr Ágústsson í hlaðvarpsþættinum Dr. Football í dag.
„Hann var einnig með tilboð frá ÍBV en hann neitaði því," sagði Hrafnkell.
„Hann var einnig með tilboð frá ÍBV en hann neitaði því," sagði Hrafnkell.
Andri Rúnar Bjarnason er leikmaður Esbjerg í dönsku B-deildinni. Esbjerg mistókst að fara upp um deild í vetur og eru líkur á því að Andri yfirgefi herbúðir danska félagsins. Hann á eitt ár eftir af samningi samkvæmt Transfermarkt en getur að öllum líkindum losnað undan honum.
Andri hefur leikið með BÍ/Bolungarvík, Víkingi, Grindavík, Helsingborg, Kaiserslautern og Esbjerg á sínum ferli. Hann skoraði þrjú mörk í fjórtán deildarleikjum í vetur.
Hann á þá að baki fimm A-landsleiki og hefur skorað eitt mark. Hann lék með Víkingi 2015 en gekk í raðir Grindavíkur í upphafi móts 2016. Sumarið 2017 skoraði hann nítján mörk sem var jöfnun á meti í efstu deild.
Kelanum mínum svegldist á kaffibollanum þegar hann heyrði af tilboði Víkinga í Andra Rúnar Bjarnason framherja.https://t.co/Xm7LqyL4yW
— Dr. Football Podcast (@drfootballpod) June 11, 2021
Athugasemdir